Külbike bilen süýem barmagyň ýa-da başam barmak bilen süýem barmagyň gerlen aralygy we şoňa barabar bolan uzynlyk ölçegi.

• Onuň içki geýiminiň gonjunyň agzyndaky bir sere bejergisi görünýärdi. (A. Gowşudow, Köpetdagyň eteginde)

• Boýy bir sere, sakgaly iki sere. («Mydam taýýar» gazeti)

Gowy, saý, baş.

• Olar altyny gyzlaryň seresi diýip hasaplaýardylar. (A. Durdyýew, Saýlanan eserler)

• Gaýtalamak okuwyň seresidir diýlip ýöne ýerden aýdylmaýar. («Pioner» žurnaly)