ýoldaş

  1. Özüniň garaýşy, işi, durmuş şertleri we ş. m. boýunça biri bilen umumylygy, ýakynlygy bar bolan adam, ýakyn aragatnaşyk edýän adam.

    • Okuwlaryny wagtynda taýýarlamak we ýoldaşlaryna görelde bolmak her bir pioneriň esasy wezipesidir. (B. Kerbabaýew, Aýgytly ädim)

    • Är ýigidiň ýoldaşy aýal hem bolsa, gerekli ýerinde men-ä är deregini tutmaly diýip düşünýän. (B. Kerbabaýew, Aýgytly ädim)

  2. Ýüz tutulyp aýdylýan söz.

    • Ýoldaşlar, Sowetler häkimiýeti siziň işçi-daýhan häkimiýetiňizdir. (B. Kerbabaýew, Aýgytly ädim)

    • Hawa, ýoldaş başlyk, aldym, çagyryşyňyza-da ynha geldim. (A. Durdyýew, Saýlanan eserler)

  3. Biri bilen ýoly bir bolan adam, biri bilen ugurdaş ýolagçy.

    • Uzadandan ýoldaş bolmaz. (nakyl)

  4. Planetanyň daşyna aýlanýan asman jisimi, hemra.

    • Aý-Günüň ýoldaşydyr.

  5. Medisina Çaga bolanda, çaganyň ýany bilen düşýän zat, eşen.

ömürlik ýoldaş

Är-aýallyk aragatnaşygy, ýagdaýy.

  • Mollanepes Bossantäç atly gyzy söýüpdir we onuň bilen ömürlik ýoldaş bolupdyr. («Edebiýat»)

ýan ýoldaş

seret ömürlik ýoldaş