Ýolbars, gaplaň we ş. m. wagşy haýwanlaryň maşgalasyndan bolan süýtemdiriji öý haýwany.
Howlynyň içinde pişige hem bukulara ýer goýman, barlap çykdylar. (A. Gowşudow, Powestler we hekaýalar)
Olaryň biriniň gözi edil pişigin gözi ýaly ýanýardy. (N. Pomma, Taýlak hyzzyn)
Kiçijik gaplaň dek pişigiň bardy, mydama ýanyňa gelip myrlady. (A. Haýydow, Gök asman)
Pişigiň ýyndamlygy samanhana çenli. (nakyl)
Soňuna çekimli ses bilen başlanýan goşulmalar ýa-da -räk goşulmasy goşulanda, sözüň soňundaky dymyk çekimsiz degişli açyk çekimsizine öwrülýär.
Meselem pişik - pişigi.
Gowy ýaşaýyş, gowy güzeran geçiriş, eşretli durmuşda gün geçiriş, lälik ýaşaýyş hakda.
Hawa, Illi jan men Kislowodskide edil çaga pişigiň güni ýaly gün görýärin. (N. Pomma, Taýlak hyzzyn)
Aýagyny emaý bilen ýuwaşja basyp ýöremek, daraklygyna basyp ýöremek.
Ol şahanyň diňleýän penjiresine pişik basyşyny edip geldi-de -- Gözel gyzyň ýanynda kim barka? -- diýip pyşyrdady. (A. Durdyýew, Saýlanan eserler)
El-ýüzüňi çala ölläp, bolgusyz ýuwunmak, howul-hara, çala ýuwunmak.
Şu gün-ä ýöne pişik ýuwnuşyny edip geläýipdir -- diýdi. (A. Durdyýew, Saýlanan eserler)
Çölde ýaşap ýören pişik, çöl pişigi.