Sähelçe agyr gelýän, agyrrak bolan, agyrrak çykan.
Salyhatly, edepli.
Ýigitleriň uzynak we agras biri stoluň başyndan turup, olara kömekleşdi. (M. Gorkiý, Ene)
Ol adam özüniň şeýle daýawlygy ýaly hem agrasdy. (H. Ysmaýylow, Iki atanyň ogly)
Wepanyň gapdalynda peýda bolan agaç et agras göwre-Sähetdi. (A. Gowşudow, Mähri-Wepa)
Agyrlyk bilen hereket edýän.
Onuň agras aýaklary, uly kellesi garyň üstünde ertiriň alasarmyklygynda öňküden-de ullakan ýaly bolup görünýär. («Sowet edebiýaty» žurnaly)
Ýuwaş eşidilýän, saldamly (ses hakda).
Gapynyň aňyrsynda agras aýak sesi eşidildi. (M. Gorkiý, Ene)
Işleýän maşynlaryň agras güwwüldisi eşidilýärdi.
Göçme manyda Ýakymsyz, tutuk.
Ýaprakdan gül ysy gelmän, agras çygly bir ys Aýsoltanyň burnuna urdy. (B. Kerbabaýew, Aýsoltan)