uşlyp

[u:şly:p]

  1. Egrilip edilen sapak, ýüplük.

    • Kimiň näçe getireni-uşlyba düzülen monjuk ýaly hemmesiniň hasaby bardy. (B. Kerbabaýew, Aýgytly ädim)

  2. Göçme manyda Baglanyşyk, birlik, birleşik.

    • Hat front bilen tylyň beýik aragatnaşygynyň bozulmaz uşlybydyr. («Sowet Türkmenistany» gazeti)

Ýazuw düzgüni

Soňuna çekimli ses bilen başlanýan goşulmalar ýa-da -rak goşulmasy goşulanda, sözüň soňundaky dymyk çekimsiz degişli açyk çekimsizine öwrülýär.

Meselem uşlyp - uşlyby.

uşlyp ýaly zat goýmazlyk

Hiç zat goýmazlyk, iňňe ýaly zat goýmazlyk.

  • Öýünde bolsa uşlyp ýaly zadyny goýman, çuwala saldyryp, gaça-gaçlyk bolsa yza galjak gümany ýok. (A. Durdyýew, Saýlanan eserler)