Zady uzaga düşürmek üçin batly taşlamak, dazyrdadyp goýbermek, oklamak.
Şol mahal oglanjyk elindäki pökgüsini özlerine ýakynlaşyp barýan Mährä zyňdy. (A. Gowşudow, Mähri-Wepa)
Harap bolmak, zaýalanmak ýa-da derde ýaramazlyk zerarly atyp goýbermek, aýryp taşlanmak, aýyrmak.
Bu gün geler, erte geler bilen güllerine suw sepip, iki-üç günläp saklasa-da, ahyry zyňmaly boldy. (N. Pomma, Taýlak hyzzyn)
Ýüz döndermek, unutmak, bes etmek, goýmak.
Ýaltalygy zyňmak üçin kynçylygy ýeňmek üçin, tutanýerli bolgun, inim! (Ata Salyh, Saýlanan eserler)
Batly towusmak, ýokary bökmek.
Aýagynyň astynyň ykjam däldigini syzan mes bir at asmana zyňdy-da, iki wagonyň arasyna düşüp, bir aýagyny döwdürip, germesatan asylyp galdy. (B. Kerbabaýew, Aýgytly ädim)
Ahyryna çenli ýetirmän goýmak, ahyryna çenli dowam etdirmän galdyrmak, eýgermän goýmak.
Bir işi başlap zyňmak.