Bir zada deň, laýyk gelýän, barabar.

• Hiý, gezip ýören ýerleriňde şuňa taý geljek kitaba duş gelen ýeriň barmydy?! (N. Saryhanow, Saýlanan eserler)

• Keljäniň degişme şowhuny hemmesine taý diýen ýalydy. (A. Gowşudow, Mähri-Wepa)

• Men şolaryň ikisine-de taý gelerin. (A. Durdyýew, Saýlanan eserler)

Birine ýa-da bir zada mynasyp bolan, deň-duş bolan.

• Agaýunus saňa taýdyr, ajyýyp menzili bardyr. («Görogly» eposy)

• Ogly onuň, balam, hut seniň taýyň. (A. Kekilow, Söýgi)

• Bu ilde ýokmuka, gyzym, saňa taý, göz dikýäniň bolsa, utanma, aýdaý! («Sowet edebiýaty» žurnaly)

Jübüt zadyň biri.

• Onuň garaja öýüniň iki taý gabsasy açykdy. (A. Gowşudow, Powestler we hekaýalar)

• Men hem gyrkylygyň beýleki taýyny uzyn taýagyn ujuna daňyp berkitdim. (N. Pomma, Taýlak hyzzyn)

Tarap, gapdal, ugur.

• Howlynyň käçeden taýy öýüň tärimi ýaly gözenek-gözenek bolup görünýärdi. (B. Kerbabaýew, Aýgytly ädim)

• Ol kümüş gynly gylyjynyň baljak taýyny özüne bakan öwürdi-de, gobsundy. (B. Kerbabaýew, Aýgytly ädim)

Urulýan ýüküň bir gapdaly.

• Bir taý odun.

• Bir taý çuwal bugdaý.