Içine galla önümlerini, gurt we ş. m. guýup, döwüp arassalamak üçin metal ýa-da agaçdan ýasalan içi köwük süýri gural.
Ýanyndaky eýmenç sokyň erňeginden ýapyşdy-da gara daşyn takyrdatdy. («Sowet edebiýaty» žurnaly)
Soňuna çekimsiz ses bilen başlanýan goşulma ýa-da söz goşulyp, ikinji bogundaky dar y çekimlisi gysga aýdylsa, onda ol dodaklandyrylyp u ýazylýar.
Meselem soky - sokuda, sokular, sokusy.
Endam-janyň kül-owram bolup agyrmak, erbet ýadamak.
Wah, kelläm ýaryldy-la, bilim hem uçup barýar, asyl endam-janym soka salnan ýaly. («Tokmak» žurnaly)