sokulmak so‧kul‧mak işlik

Bir ýere dykylyp, itilip girizilmek, salnyp goýulmak.

• Diwaryň ýüzündäki deşige kesek sokulypdyr.

Bir ýere bir zat sanjylmak, dürtülmek.

Gepleşik dili Aýakgap ýa-da geýim geýilmek.

• Şol wagt gabat gelen geýim egne sokulyp gidilipdir.

Hemme zadyň arasyna goşulyp, göze-başa düşmek, ara goşulmak.

• Indi näme ýene sokulyp ara, garrylary goýýarmyşyn azara. («Sowet edebiýaty» žurnaly)

Arasyna aralaşmak, girmek, bir ýere girip bukulmak.

• Molla Hoşly özüni onda-munda urup, nirä sokularyny bilmändir. (A. Gowşudow, Mähri-Wepa)