sada sa‧da sypat

Ýönekeý, çylşyrymsyz.

• Himiki sada jisimler.

Beýlekilerden tapawutlanmaýan, ýönekeý, türkana, hoş göwün.

• Akmämmet aga öz sada düşünjesiçe sapgöwünlilik bilen gürrüňe başlady. (A. Gowşudow, Köpetdagyň eteginde)

• Sen bir sada ýigit bolanyň senden ynjamak-da elbetde, ýersiz! (B. Kerbabaýew, Aýgytly ädim)

• Bilini berk guşap sada daýhanyň topragyňdan ak altynlar döredýär. (N. Pomma, Saýlanan eserler)

Onçakly zynat berilmedik, çylşyrymly däl, ýönekeý.

• Ähli zatlar ýerbe-ýer, sada bezelen jaý. («Sowet Türkmenstanyň aýallary» žurnaly)

Düşünmegi aňsat, kyn däl, düşnükli.

• Siziň aýalyňyzyň ýönekeý sada dil bilen ýazan hatynyň ýekeje sözi hem bu hatda ýüz esse täsirli. (A. Gowşudow, Mähri-Wepa)

• Ertekileriň dili baýdyr we sadadyr.