Iki ýaňagyň iç ýüzi, iç boşlugy.
Ol aşagy dodagyny dişledi, owurtlary ýumralan ýaly göründi. (B. Kerbabaýew, Aýgytly ädim)
Iki owurdyny çörekden dolduryp, sapagyny taýýarlamaýa başlady. («Pioner» žurnaly)
Agyz boşlugy, agyz.
A, men bolsam owurdymda suw bar ýaly dymýaryn. (B. Pürliýew, Ilkinji gün)
Soňuna çekimli ses bilen başlanýan goşulmalar ýa-da -rak goşulmasy goşulanda, sözüň soňundaky dymyk çekimsiz degişli açyk çekimsizine öwrülýär.
Meselem owurt - owurdy.
Azajyk sähelçe (içmek üçin çaý, suw we ş. m. hakda).