ok 1

  1. Ýaý bilen atylýan, ujy peýkamly uzyn göni çybyk.

  2. Tüpeň, pulemýot, rewolwer we ş. m. ýaraglarda atmak üçin içi däriden doldurylan, agzyna gurşun dykylan peşeň.

    • Indi sekiz sany döwekçi hatara durýardy, olaryň baryny ýeke ok bilen ýatyrmak boljakdy. (A. Gowşudow, Mähri-Wepa)

    • Biziň yzymyzdan atylan okuň iki sansy maşynyň gapdal demirine degdi. (G. Kulyýew, Köpetdagyň aňyrsynda)

    • Okgun ýürek bolsa, ol hem kär etmez. (B. Kerbabaýew, Aýlar)

Ýazuw düzgüni

Menlik ýöňkemaniň -um, -umyz, senlik ýöňkemäniň -uň, -uňyz goşulmalary goşulýar.

Meselem ok - okum, okuň.

gözüňde okuň bolsa urmak

seret göz

  • Ol gözünde oky bolsa meni urjak, ol maňa duşman. (A. Gowşudow, Köpetdagyň eteginde)

ok bolup degmek

seret degmek

  • Enäniň soňky sözi Aýgüle ok bolup degdi. («Sowet edebiýaty» žurnaly)

  • Her sözi ok bolup degdi janyma. (N. Pomma, Saýlanan eserler)

ok ýaly

  1. Göni, dogry.

    • Annagulynyň ýüregine Altynyň ok ýaly kirpikleri, sanjylan ýaly boldy. (A. Durdyýew, Saýlanan eserler)

  2. Çalt, ýyndam.

    • Hiňlenip, ol agaçdan -ol agaja ok ýaly atýlyp barýar, ýoldaşlaryna elini bulaýar. (A. Durdyýew, Saýlanan eserler)

oka tutmak

Ok ýagdyrmak, atyp başlamak.

ok 2

  1. Iki ujuna tigir geýdirilýän steržen tigirleri birleşdirýän uzyn demir.

    • Traktoryň tormoz waliginiň uly we kiçi oklaryny hem degişdirmek zerurdyr. («Sowet Türkmenistany» gazeti)

  2. Azal, araba we ş. m. ýaly gurallarda boýutyryga dakylýan uzyn göni agaç.

    • Azalyň oky ýerinde bolsa-da, tutawajy çykypdyr, demri poslapdyr. (B. Kerbabaýew, Aýgytly ädim)

Ýazuw düzgüni

Menlik ýöňkemaniň -um, -umyz, senlik ýöňkemäniň -uň, -uňyz goşulmalary goşulýar.

Meselem ok - okum, okuň.


Duş gelýän formalary
  • oka
  • okady
  • okadyk
  • okadymy
  • okam
  • okamyş
  • okda
  • okdaky
  • okdan
  • okdanam
  • okdugyny
  • okdum
  • okdur
  • okdy
  • oklar
  • oklar-da
  • oklara
  • oklaram
  • oklarda
  • oklardaky
  • oklardan
  • oklardy
  • oklardylar
  • oklary
  • oklary-da
  • oklarymyzdan
  • oklarymyň
  • oklaryn
  • oklaryna
  • oklarynam
  • oklarynda
  • oklaryndaky
  • oklaryndan
  • oklaryny
  • oklarynyň
  • oklaryň
  • oklaryňyz
  • oklaýyn
  • okludyr
  • oklugy
  • oklugydyr
  • oklugyna
  • okluk
  • oklular
  • okly
  • oksuz
  • oksuň
  • okudy
  • okum
  • okuma
  • okumam
  • okumda
  • okumy
  • okumyz
  • okumyň
  • okumyş
  • okun
  • okuna
  • okunda
  • okundaky
  • okundan
  • okuny
  • okunyň
  • okunyňam
  • okuň
  • okuňy
  • okuňyz
  • okuňyzy
  • oky
  • oky-da