köpük 1

Süýt we ş. m. zatlar bişirilende, ýüzünde emele gelýän köpürjik.

  • Asmanda ak süýdüň köpügi ýaly, Akja bulutlary güýzüň şemaly, Sürýär gündogara ýuwaş-ýuwaşdan. («Sowet edebiýaty» žurnaly)

Ýazuw düzgüni

Soňuna çekimli ses bilen başlanýan goşulmalar ýa-da -räk goşulmasy goşulanda, sözüň soňundaky dymyk çekimsiz degişli açyk çekimsizine öwrülýär.

Meselem köpük - köpügi.

ak köpük saçyp gürlemek

seret gürlemek

  • Gyzdurdy her sözüni janly mysallar bilen aýdyp, şeýle bir gürledi, derlerini saçyp gürledi, ýumuruklaryny düwüp, agzyndan ak köpük saçyp gürledi. (N. Pomma, Taýlak hyzzyn)

köpük 2

Manadyň ýüzden bir böleginden ybarat ownuk pul birligi.

  • Bir köpük pul harçlamadyk halyna güplän bolup otyr. (N. Pomma, Taýlak hyzzyn)

  • Eline düşen puluň bir köpügini hem sowman, kakasyna eltip berýär. (A. Gowşudow, Saýlanan eserler)

Ýazuw düzgüni

Soňuna çekimli ses bilen başlanýan goşulmalar ýa-da -räk goşulmasy goşulanda, sözüň soňundaky dymyk çekimsiz degişli açyk çekimsizine öwrülýär.

Meselem köpük - köpügi.

bahasy bir köpük

Hili pes hiç zada geçmeýän, ýaramaz, bolgusyz.

  • Kör köpüksizlik -- düýpden pulsuzlyk.

Duş gelýän formalary
  • köpüge
  • köpügem
  • köpügi
  • köpügim
  • köpügin
  • köpüginden
  • köpügine
  • köpüginem
  • köpügini
  • köpüginiň
  • köpügiň
  • köpük-de
  • köpükden
  • köpükdenmi
  • köpükdi
  • köpükdir
  • köpükler
  • köpüklerini
  • köpükleriň
  • köpüklermi
  • köpükli
  • köpüklik
  • köpüksiz
Sözlük geziji