Daň atan badyna, gün dogan dessine, azan bilen.

• Onda eje, sen ertir daň bilen tur-da çaý gaýnat, men ertir irden oba sowetiniň edarasyna barmaladyryn -- diýdi. (A. Durdyýew, Saýlanan eserler)

• Ir turup örseň perim, şabraň gara zülpüň darap, Ak ýüzüňi görmesem, bolýar meniň halym harap. (Ata Salyh, Saýlanan eserler)

• Her gün ir bilen işe başlaýaryn. («Sowet Türkmenstanyň aýallary» žurnaly)

• Ir turan işinden dynar. (nakyl)

Entek wagty däl, birneme öň bolmaly ýa-da öz wagtyndan öň, ozal.

• Ýaz ir çykypdy. (B. Kerbabaýew, Aýgytly ädim)

• Ine şol gorkulary sebäpli adamlar bu gün ir dagady. (A. Gowşudow, Powestler we hekaýalar)

• Häzir onuň geler wagtyndan ir.