Aýakgabyň topukdan ýokary bölegi.
Ädiginiň gonjy ýygyrt-ýygyrt bolupdyr. (N. Pomma, Taýlak hyzzyn)
Balagyň bir ýan bölegi.
Mamagüliň içki geýminiň gonjynyň agzyndaky bir ser bejergisi görünýärdi. (A. Gowşudow, Köpetdagyň eteginde)
Menlik ýöňkemaniň -um, -umyz, senlik ýöňkemäniň -uň, -uňyz goşulmalary goşulýar. Çekimlisi uzyn aýdylýandygy üçin çekimli ses bilen başlanýan goşulma ýa-da -rak goşulmasy goşulanda, sözüň soňundaky dymyk çekimsiz degişli açyk çekimsizine öwrülýär.
Meselem gonç - gonjum, gonjuň.
Gaharyny getirmek, aladaly ýagdaýa salmak, degnasyna degmek.
Kitabyň arasyndan çykan surat onuň gonjuna gor guýdy. («Sowet edebiýaty» žurnaly)
Iki aýagyny bir gonja sokýardy. (M. Ibrahimow Ol Gün Geler.)