duzak

  1. Guşy ýa-da gaçak maly tutmak üçin halka görnüşli gurulýan emel, tilsim.

    • Çürçüri tutmak üçin duzak gurduk.

  2. Göçme manyda Salynýan hile, mekirlik.

    • Duzaga düşendir çaga kepderi, Ganaty galganok, gyrykdy peri. (Çary Aşyr, Poemalar)

    • Öz guran duzaklaryna özleri çolaşdylar. (Ata Salyh, Saýlanan eserler)

Ýazuw düzgüni

Soňuna çekimli ses bilen başlanýan goşulmalar ýa-da -rak goşulmasy goşulanda, sözüň soňundaky dymyk çekimsiz degişli açyk çekimsizine öwrülýär.

Meselem duzak - duzagy.

duzaga salmak

Aldap ele salmak, aldap tutmak.

duzak gurmak

Aldamak üçin hile etmek.

  • Duşmanlar bütin töwerege duzak gurdular. (B. Kerbabaýew, Aýgytly ädim)


Duş gelýän formalary
  • duzaga
  • duzagy
  • duzagydy
  • duzagyn
  • duzagyna
  • duzagyndan
  • duzagynyň
  • duzagyň
  • duzagyňa
  • duzagyňdan
  • duzakda
  • duzakdaky
  • duzakdan
  • duzakdy
  • duzaklar
  • duzaklary
  • duzaklaryna