Kiçijik göjek görnüşli, buz bolup gaçýan atmosfera ygaly.
Tomsuna käte ýagyş ýerine doly ýagýar. (M. N. Skatkin, Jansyz tebigat)
Çabga örän güýçli degýär, doly gatyşykly däldigine men gaty şat. (A. Gowşudow, Köpetdagyň eteginde)
Doly kimin ýagar çoýun-polatlar, Duşmana ot saçar altyn ýigitler. (B. Kerbabaýew, Aýlar)
Soňuna çekimsiz ses bilen başlanýan goşulma ýa-da söz goşulyp, ikinji bogundaky dar y çekimlisi gysga aýdylsa, onda ol dodaklandyrylyp u ýazylýar.
Meselem doly - doluda, dolular, dolusy.
[do:ly]
Püre-pür edilip guýlan, erňegine çenli salnan, doldurylan.
Bedre doly akşekerek üzümiň üstüne sowuk suw guýup iýmäge başlaýarlar. (A. Gowşudow, Saýlanan eserler)
Hyryn-dykyn bolan, hyryn-dykyn.
Jaýyň içi adamdan doludy.
Biz ol kararlary gazetlerde doly okapdyk. (N. Pomma, Taýlak hyzzyn)
Semiz, etli-ganly, ýogyn.
Begenjiň ýasy gursagy, doly boýny, bugdaýreňk ýüzi güne ýanypdyr. (B. Kerbabaýew, Aýsoltan)
Gutarylan, gutarnykly.
Soňuna çekimsiz ses bilen başlanýan goşulma ýa-da söz goşulyp, ikinji bogundaky dar y çekimlisi gysga aýdylsa, onda ol dodaklandyrylyp u ýazylýar.
Meselem doly - doluda, dolular, dolusy.