[di:reltmek]
Jana getirmek, jan girdirmek, janlandyrmak.
Bir işi ýerine ýetirmekde aýak üstüne galdyrmak, ruhlandyrmak, janlandyrmak.
Öňki katdyna getirmek, öňki derejesine ýetirmek, dikeltmek.
Täzeden direltdik seniň ruhuňy, Saza saldyk, seň azatlyk heňiňi. (A. Nyýazow, Şygyrlar)
Grek, gadymylygyny we şonuň bilen birlikde sungatyň örän ýokary derejede ösmegini direltdi. (I. T. Ogordnikow, P. H. Şimbirýow, Pedagogika)
Agyr keselden gutarmak, açmak, sagaltmak.
Doktor ony zordan direltdi. (A. Gowşudow, Köpetdagyň eteginde)
Soňuna çekimli ses bilen başlanýan goşulmalar ýa-da -ýär goşulmasy goşulanda, sözüň soňundaky dymyk çekimsiz degişli açyk çekimsizine öwrülýär.
Meselem direltmek - direldýär, direlder, direldipdir.