Daňylmak, baglanmak.
Demiň tutulmak, sesiň gyryljyk bolmak, gyrylmak.
Ol özüniň boglan ýaly gyryk sesi bilen: -- Gürrüň näme hakynda gidýär -- diýip sorady. (A. P. Çehow, Saýlanan eserler)
Bokurdakdan alnyp gysylmak, dem almagyň kynlaşmak.
Ýüregime galyp bolan bir küýi bir zarbada daşyma çykarmasam, boglan pişik ýaly dyrjalap meniň iç goşamy gan öýdürýä ahyry. («Sowet edebiýaty» žurnaly)
Erk-ygtyýaryň çäklendirilmek gysylmak.
Soňuna çekimli sese başlanýan goşulma goşulanda, ikinji bogundaky dar u çekimlisi düşürilip ýazylýar. Ýöňkeme bilen üýtgände ikinji bogunda u eşidilen ýerinde ýazylýar.
Meselem bogulmak - boglar, boglupdyr.