bogaz 1

  1. Anatomiýa Gyzylödegiň we dem alyş ýollarynyň başlanýan ýeri, damak.

    • Bogazyň örän oňat açylypdyr. (B. Pürliýew, Ilkinji gün)

    • Indi çörek bilen ýarma-da bogazyndan geçmeýärdi. (A. Gowşudow, Powestler we hekaýalar)

    • Bogazyny bogmasaň, bogaz düýäni ýuwudar. (nakyl)

  2. Boýnuň öň tarapy, bokurdak.

    • Ony sypdyrman bogazyna syrtmak atmak gerekdi. («Sowet edebiýaty» žurnaly)

  3. Käbir bokurdakly gaplaryň boýny.

bogaz dolmak

Göwnüň bozulmak, aglasyň gelmek, agyň tutmak, gahar gelip ýa-da begenip ýuwdunmak, hamsykmak.

  • Onuň begenjinden bogazy doldy. (B. Kerbabaýew, Aýgytly ädim)

  • Nökeriň ýüregi awady bogazy doldy, ýuwdundy. (B. Kerbabaýew, Çekişmän-Bekişmez)

  • Nursoltanyň bogazy doldy, sözüni dowam edip bilmedi. (B. Kerbabaýew, Aýsoltan)

bogaz ýyrtyp gygyrmak

seret gygyrmak

  • Alty sopynyň bogazyny ýyrtyp, azana gygyrmasy näme üçinkä? (B. Kerbabaýew, Aýgytly ädim)

bogaza tegek bolmak

Ne bärik, ne-de aňryk, hiç ýana gidip bilmän, bogazda galmak.

bogazy öllemek

Biraz suw, çaý we ş. m. içmek.

bogaz 2

Geografiýa Köl bilen materigiň ýa-da iki deňziň arasyndaky inçejik suw boşlugy.

  • Odisseýiň gämisi darajyk bogazda tas heläk bolupdyr. (Gadymy dünýä taryhy)

bogaz 3

Ynsan we haýwanlaryň içinde çagasynyň emele gelen döwri.

  • Guba düýe bogazdy. (N. Saryhanow, Saýlanan eserler)

  • Bogaz sygyrlary mineral iýmitler-hek we süňk uny bilen goşmaça iýmitlendirmek gerek. (W. A. Trafimowskiý, Ýaş iri şahly mallary ösdürip ýetişdirmek)

  • Ol ýurtda bolsa bir bogaz geçi galan eken. («Türkmen halk ertekiler ýygyndysy»)


Duş gelýän formalary
  • bogaza
  • bogazda
  • bogazdan
  • bogazdy
  • bogazja
  • bogazlar
  • bogazlara
  • bogazlarda
  • bogazlardan
  • bogazlary
  • bogazlaryna
  • bogazlarynda
  • bogazlaryndan
  • bogazlarynyň
  • bogazlaryň
  • bogazly
  • bogazlygy
  • bogazlygyna
  • bogazlygyndan
  • bogazlygynyň
  • bogazlygyň
  • bogazlyk
  • bogazy
  • bogazym
  • bogazyma
  • bogazymda
  • bogazymdan
  • bogazymyň
  • bogazyn
  • bogazyna
  • bogazynda
  • bogazyndaky
  • bogazyndan
  • bogazyny
  • bogazynyň
  • bogazyň
  • bogazyňa
  • bogazyňdan
  • bogazyňy