batmak işlik

  1. Suwa çümme, gark bolmak.

    • Ol özüni batyp barýan gäminiň üstünde durýan ýaly duýýardy. (N. Jumaýew, Ak derek)

  2. Palçyga girmek, laýa bulaşmak, çägä gömülmek, çümmek.

    • Onuň ýalaňaç aýagy ýabyň çägesöw çygly raýyşyna batypdyr. (B. Kerbabaýew, Aýsoltan)

    • Kartalaryň takyk däldigi üçin, batan ýük maşyny üçin gahary geldi. Ol ürgün çägä batyp, öňe-yza urunýardy. («Sowet edebiýaty» žurnaly)

  3. Görünmez bolmak, ýaşmak (asman planetalary hakda).

    • Aý batanda, adamlar hem ýatdylar. (N. Pomma, Saýlanan eserler)

    • Uzak günläp dumly-duşa ot sowurýan gyzgyn Gün ýaňyja batypdy. (M. Ibrahimow, Ol gün geler)

    • Ömrüzaýa ýyldyz kimin bataýyn, Şu ýerlerde hiç kararym ýok meniň. («Türkmen halk şahyrana döredijiligi»)

  4. Uly zyýan çekmek, zyýan görmek.

    • Söwda edip batmak.

  5. Sanjylmak, çümmek, dürtülmek.

    • Elime tiken batdy.

gama batmak

seret gam

  • Ýene-de Ýegorjyk birden gama batdy. (A. P. Çehow, Saýlanan eserler)

gara dere batmak

seret der

  • Bir haýukdan soň, ýorganyň içinde gara dere batyp, hopugyp ýerinden galdy. (A. Durdyýew, Saýlanan eserler)

gaýga batmak

seret gaýgy

  • Artygyň gaýga batanyna dözüp bilmedik Aýna: --Wiý, oglan, saňa näme bolaýdy? -- diýip sorasy geldi. (B. Kerbabaýew, Aýgytly ädim)

iňkise batmak

seret iňkis

  • Birdenkä-de agyr iňkise batdym. («Tokmak» žurnaly)

maňza batmak

seret maňyz

  • Biriniň göwnüne ýakan zat beýlekisiniň maňzyna batmaýardy. («Sowet edebiýaty» žurnaly)

  • Meniň bu sözlerim onuň maňzyna batmadyk bolara çemeli. (B. Pürliýew. Ilkinji gün)

oýa batmak

seret pikire batmak

  • Ol başam barmagyny agzyna ýetirip, uly oýa batdy.

pikire batmak

seret pikir

  • Ol öýe girip, birentek wagtlap çuň pikire batyp oturdy. («Sowet edebiýaty» žurnaly)

uka batmak

seret uky

  • Indi ynjalyp, süýji uka batdy. (R. Seýidow, Bagtlylar)

ýüregine batmak

seret ýürek

  • Şol sowuk söz hanjar ýaly onuň ýüregine batýardy, maýda-maýda dograýardy. (M. Ibrahimow, Ol gün geler)


Duş gelýän formalary
  • bataly
  • batam
  • batan
  • batana
  • batanam
  • batanda
  • batandan
  • batandygy
  • batandygyny
  • batandyr
  • batanok
  • batansoň
  • batany
  • batanym
  • batanymda
  • batanyna
  • batanyny
  • batar
  • batara
  • batarda
  • batardan
  • batardy
  • batarlar
  • batarmy
  • batarsyň
  • bataryna
  • bataýma
  • bataýyn
  • batdy
  • batdygy
  • batdyk
  • batdylar
  • batdym
  • batdyr
  • batdyň
  • batdyňmy
  • batjagyna
  • batjak
  • batlary
  • batma
  • batmady
  • batmaga
  • batmagy
  • batmagyna
  • batmagyny
  • batmagynyň
  • batmagyň
  • batmajak
  • batmak
  • batmakdan
  • batmaklygyna
  • batmaklygyň
  • batmaklyk
  • batmaly
  • batman
  • batmana
  • batmanam
  • batmandan
  • batmanlyk
  • batmanym
  • batmanyny
  • batmanyň
  • batmasam
  • batmasy
  • batmaz
  • batmazdy
  • batmazlyk
  • batmazynyň
  • batmaýan
  • batmaýar
  • batmaýardy
  • batsa
  • batsa-da
  • batsak
  • batsam
  • batsaň
  • batsyn
  • batyp
  • batypdy
  • batypdyr
  • batyň
  • batýan
  • batýandygyny
  • batýandyr
  • batýança
  • batýar
  • batýar-da
  • batýardy
  • batýardylar
  • batýardym
  • batýarka
  • batýarlar
  • batýaryn
  • batýarys