Giň sagryly, giň ýagyrnyly, arkasy uly bolan (mal hakynda).

• Arkaly at. Arkaly ulag.

Tapawutly, gowy, giň.

• Sen ol işleriň birinde hem durman gitdiň, şindem başlyk arkaly adam. (A. Durdyýew, Saýlanan eserler)

• Bolsa-da gelin örän arkaly we asylly maşgala ekeni. (N. Pomma, Taýlak hyzzyn)

Tarapdary bar bolan, goldawly, daýançly.

• Men bikärleri halamasam-da, saňa gezek gelende gaty arkalydyryn. («Mydam taýýar» gazeti)

• Arkaly köpek gurt alar. (nakyl)

«Kömegi bilen, üsti bilen» diýen manylarda gelýän poslelog.

• Biz ony diňe familiýasy arkaly tanaman, ähli keşbinden hem tanaýardyk. («Sowet edebiýaty» žurnaly)

• Bakteriýalary mikroskop arkaly görmek bolýar.