ýok 1

Ýokup galan galyndy, ýokundy.

Ýazuw düzgüni

Menlik ýöňkemaniň -um, -umyz, senlik ýöňkemäniň -uň, -uňyz goşulmalary goşulýar.

Meselem ýok - ýokum, ýokuň.

ýok bolmazlyk

Örän az bolmaklyk.

  • Ikimiz iýjek bolsak, agzymyza ýok hem bolmaz. («Türkmen halk ertekiler ýygyndysy»)

ýok 2

[ýo:k]

  1. Bir zat inkär edilip jogap berlende aýdylýan modal söz.

    • Ertir teatra gitjekmi? -- Ýok.

  2. Bar bolmadyk.

    • Tejende az sanly gyzyl gwardiýadan başga goşun güýji ýokdy. (B. Kerbabaýew, Aýgytly ädim)

    • Ýok ýerden bar eden, ýonuşgadan don eden. (nakyl)

Ýazuw düzgüni

Menlik ýöňkemaniň -um, -umyz, senlik ýöňkemäniň -uň, -uňyz goşulmalary goşulýar. Çekimlisi uzyn aýdylýandygy üçin çekimli ses bilen başlanýan goşulma ýa-da -rak goşulmasy goşulanda, sözüň soňundaky dymyk çekimsiz degişli açyk çekimsizine öwrülýär.

Meselem ýok - ýogum, ýoguň.

ýoga çykarmak

Bolgusyz zada harçlap gutarmak, ýok etmek, ýoklamak.

ýoguna (ýanmak) köýmek

Ýok etmek, ýok edip dynmak, ýoklamak.

  • Artyk, onuň ýoguna köýmek çäresine girişdi. (B. Kerbabaýew, Aýgytly ädim)

ýok bolmak

  1. Baş alyp gitmek.

  2. Ýitmek, ýogalmak.

ýok etmek

  1. Ýitirim etmek, ýitirmek, ýoklamak.

    • Zadyny ýok etmek.

  2. Ýatyrmak, aýyrmak.

  3. Derbi-dagyn etmek, çym pytrak etmek.


Duş gelýän formalary
  • ýok-da
  • ýoka
  • ýokam
  • ýokda
  • ýokdam
  • ýokdan
  • ýokdandyr
  • ýokdugy
  • ýokdugymy
  • ýokdugyna
  • ýokdugynda
  • ýokdugyndan
  • ýokdugyny
  • ýokdugynyň
  • ýokduk
  • ýokduklary
  • ýokduklaryny
  • ýokdular
  • ýokdum
  • ýokdur
  • ýokduram
  • ýokdurlar
  • ýokduň
  • ýokdy
  • ýokja
  • ýoklar
  • ýoklaram
  • ýoklary
  • ýoklary-da
  • ýoklaryn
  • ýoklaryny
  • ýoklaryň
  • ýokluga
  • ýoklugam
  • ýoklugy
  • ýoklugydy
  • ýoklugydyr
  • ýoklugym
  • ýoklugyma
  • ýoklugymda
  • ýoklugymy
  • ýoklugymyz
  • ýoklugymyzy
  • ýoklugyna
  • ýoklugynam
  • ýoklugynda
  • ýoklugyndan
  • ýoklugyndandyr
  • ýoklugyndanmy
  • ýoklugyny
  • ýoklugynyň
  • ýoklugyň
  • ýoklugyňa
  • ýoklugyňy
  • ýokluk
  • ýoklukdan
  • ýoklukdyr
  • ýokly
  • ýokmudyr
  • ýokmuka
  • ýokmuş
  • ýokmuşmy
  • ýokmy
  • ýoksuzlyk
  • ýoksuzlykda
  • ýokum
  • ýokumy
  • ýokumyň
  • ýokunyň
  • ýoky