ýeserlik ýe‧ser‧lik

Mekirlik, hilegärlik.

• Ýeserlikler etdi düz tutman pälin, «Pukaradyr» diýip ýazdy baý oglun. (B. Kerbabaýew, Poemalar)

• Ýeserlik bilen, Pökgene garady. (A. Gowşudow, Köpetdagyň eteginde)

• Gadymky sadalykdan başga ýeserlik ýokundysyny saýgarmady. (B. Kerbabaýew, Aýgytly ädim)

• Ol şeýle bir ýeserlik bilen mylaýymsyrady welin, komandir bu ýeserlikleriň düýp mazmunyny eýýäm aňlady. (A. Gowşudow, Mähri-Wepa)

Göçme manyda Pähimlilik, ýitilik, başarnyklylyk, daşdan görüjilik, dogumlylyk.

• Bu işde batyrlyk, gaýduwsyzlyk, edermenlik, çydamlylyk, ýeserlik hem başarjaňlyk -- hemmesi birden gerekdir. (A. Gowşudow, Mähri-Wepa)

• Ol örän ykjamlyk we ýeserlik bilen göni yzyna öwrüldi. («Sowet edebiýaty» žurnaly)

• Ýeserlik bilen gürrüň etmek.