Ot berdirmek, otlamak.

• Jemal eje bolsa başyndaky ýaglygyny başga bir ýaglyk bilen çalşyryp, ojakda ot ýakmaga girişdi. (N. Saryhanow, Saýlanan eserler)

• Gum depeleriniň arasyndan çopanlaryň ýakýan otlary Aýyň ýagtysyna zordan görünýärdi. (B. Seýtäkow, Moskwanyň ýalkymy)

• Ýakma bişersiň, gazma düşersiň. (nakyl)

Yşyk etmek, ýagtylandyrmak, yşyklandyrmak.

• Derrew çyrany ýakdylar. («Tokmak» žurnaly)

Bir zadyň gyzgyny, awusy güýçli täsir etmek, ötmek.

• Gün olaryň arkasyny ýakyp barýardy, siňekler dişleýärdi. (A. P. Çehow, Saýlanan eserler)

Göwne ýaramak, halamak, söýmek.

• Edýän işiň iliň göwnüne ýaksyn! Gaýratyňdan rähnet arygy aksyn! (Nury Annagylyç, Saýlanan eserler)

Göçme manyda Gaty käýitmek, ahy-zar çekdirmek, ynjytmak, agyrtmak, köýdürmek.

• Ýöne sen meni ýakma! (A. Durdyýew, Saýlanan eserler)

• Gaş kakyp, göz güldürip, ýakma meni näziň bilen. (Ata Salyh, Saýlanan eserler)