çykarmak çy‧kar‧mak işlik

Içinden daşyna alyp çykmak.

• Jübüsinden ýaglygyny çykaryp, maňlaýyny süpürdi. (G. Kulyýew, Köpetdagyň aňyrsynda)

• Kitaby sumkasyndan çykardy.

Egninden aýyrmak.

• Soňra egnindäki ak haladyny çykaryp, tamyň diwaryndan asdy. (B. Gurbanow, Duşuşyk)

• Keýmir paltosyny çykaryp, tamyň burçundaky asawaçdan asdy. (G. Kulyýew, Köpetdagyň aňyrsynda)

Gulluk wezipesinden aýyrmak, boşatmak.

• Meredi işden çykarypdyr.

Gyz maşgalany gözli-başly etmek, äre bermek.

• Ol meni öňki çykaran gyzlary ýaly, gysymynyň içinde saklajak bolýar. (A. Durdyýew, Saýlanan eserler)

• Ynha gyz çykaryp, ogul öýerdiň, Şöhrat seniň edýän işiňe, ýeňňe! (Nury Annagylyç, Saýlanan eserler)

Iýer ýaly we ş. m. zady salyp alyp bermek, getirmek.

• Aýna okara doly gowurma çykardy. (B. Kerbabaýew, Aýgytly ädim)

Bir ýerden başga bir ýere sürüp alyp gitmek.

• Eger men hem alada etsem, onda guma goýun çykarmaly bolarys. (A. Durdyýew, Saýlanan eserler)

Meseläni çözmek, işlemek.

• Mesele çykarmak için köp wagt gerek bolar.

Öndürip ýetişdirmek, önüm bermek.

• Ol zawod ýag önümlerini çykarýar.

Ýerasty baýlyklary gazyp almak.

• Ol işçiler şahtada kömür çykarýarlar.

Göçme manyda Zadyň bahasyny belli derejä ýetirmek, belli bir nyrha getirmek.

• Aşgabatda çaýyň gadagyny men üç manada-da çykaryp bilerin. (B. Kerbabaýew, Aýgytly ädim)