çekmek çek‧mek işlik

Dartmak.

Bir zady bir ýerden ikinji ýere eltmek, göterip bilmek, süýşürmek, daşamak.

Terezide ölçäp agramyny bilmek, ölçäp bermek.

• Terezide onuň ýüregini çekipdirler. (Gadymy dünýä taryhy)

Sogrup, çykaryp almak, çykarmak, sogurmak.

• Goltugundaky kitaby çekip alypdyrlar.

Belli wagta çenli dowam etmek.

• Garakçylaryň at saýlamak, nahar taýýarlatmak işleri bir sagada golaý çekdi. (A. Gowşudow, Mähri-Wepa)

Geçirmek, salmak, eltmek.

• Şäherden obamyza ýol çekdiler.

Gatnaşmaga höwes döretmek, girizmek, gatnaşdyrmak.

Içiňe sormak (çilim we ş. m. hakda).

• Owal çekdim, mazasyny gant etdi, Atam-enem: --Barma! -- diýip pent etdi. (Mollamurt, Saýlanan eserler)

Susup almak, çykarmak.

• Guýudan suw çekmek.

Daş görnüşi, kesbi, gylyk-häsiýeti birine meňzetmek, çalym etmek.

• Asyl seniň ýeläňe-ygyňa düşer ýaly däl, kakaňda-ha şeýle häsiýetlisi ýokdy, bilmedim sen kime çekdiňkäň?! (A. Gowşudow, Köpetdagyň eteginde)

• Mal eýesine çekmese, şumluk. (nakyl)

El bilen süýüp almak, süýmek (ýüpek hakda).

• Garry ene ýüň egirýär, gulaç dokaýar, onuň-munuň ýüpegini çekip berýär. (A. Gowşudow, Mähri-Wepa)

Syramak, tikmek (ýorgan hakynda).

• Indi bir gaplap çekäýmesi galdy. (A. Durdyýew, Saýlanan eserler)

Ýapmak, örtmek.

• Ýelli haty hem alyp, içki jaýa girip, işigi çekdi. (A. Gowşudow, Köpetdagyň eteginde)

Üwemek.

• Degirmende un (bugdaý) çekmek.

Döl almak üçin çaknyşdyrmak (mal-gara hakda).

Bir zadyň özüne meňzedip şekilini almak.

• Surat çekmek.

Kömekçi işlik funksiýasynda ysnyşyp gelýän isimleriniň manysy bilen baglanyşykly hereket aňladýan söz.

• Azap çekmek.

• Ejir çekmek.