çatylmak ça‧tyl‧mak işlik

Depjelmek, tikilmek.

• Köýnegiň ýyrtygy gowy çatylmandyr.

Ýüpüň, tanapyň, sapagyň we ş. m. ujy biri-birine berkidilmek, daňylmak.

• Ýüpler biri-birine çatylypdyr.

Iki ýa-da köp zatlar baglanmak, seplemek.

• Goýunlaryň iki-ikiden başy çatylypdyr.

Göçme manyda Är-heleý edilip duşurylmak.

• Eje jan, gyzlaryň satylýan, bolar-bolmaz birine ýeňsesinden çatylýan zamany bir eýýäm ötdi. (B. Kerbabaýew, Aýsoltan)

• Ömür söwdasynda köpi utulyp, Gan aglaýar garry-goja çatylyp. (N. Pomma, Saýlanan eserler)

Birikmek, üýşmek, goşulyşmak.