Ýyrtylan ýa-da sökülen ýeri depjemek, tikmek.
Geýimiň ýyrtylan ýerini çatmak.
Ýüpüň, tanapyň, sapagyň we ş. m. ujuny birikdirip daňmak.
Iki ýüpüň ujuny çatmak.
Iki ýa-da köp zady biri-birine baglamak, daňmak, seplemek.
Synandylar gol-aýagmy çatmaga, Öldürip läşimi gorpa atmaga. (Nury Annagylyç, Saýlanan eserler)
Towlap tutup, golumy arkamda çatdy. (N. Pomma, Saýlanan eserler)
Göçme manyda Är-heleý etmek, duşurmak.
Gara maňlaýdyr başym, on üç- on dörtdür ýaşym, altmyş ýaşla çatdylar, kakladylar bu läşim. («Türkmen halk şahyrana döredijiligi»)
Gepleşik dili Ýeterlik bolmak, etmek.
Göteren azygymyz zordan üç güne çatdy.
Zadyň düýbüne düşünmek, düşünjäň ýetmek, akylyň ýetmek.
Hiç aklym çatmaýar eden günäme. («Sowet Edebiýaty» žurnaly)
seret gurp çatmak gurp çatmak
Güýç ýetmek, gaýratyň ýetmek, başaryp bilmek.
Dolanyp ýatmaga gurby çatmady, Göwresi sandyrap diýen etmedi. (N. Pomma, Saýlanan eserler)
Iki put uny arkaňa almaga seniň gurbuň çatmaz.
Puluň, maýaň ýetmek.
Şu kostýumy almaga gurbum çatar.
Ynsabyň çydam etmek, ynsap etmek, dözmek.
Neneň wyždanyň çatdy?! (B. Pürliýew, Ikinji gün)