4. Rus dilinden türkmen diliniň sözlügine giren sözleriň ýazuw düzgüni

  1. Düýp sözler rus dilindäki ýaly ýazylýarlar.

    Fabrik, kemput, äpişge, çäýnek, semawar, penjek, köpük, maşyn, gazet, sekunt, tans, minut, bedre, kürüşge, çemedan, mampasa, turba, şulha ýaly bu kadadan çykarylyp ýazylýan sözler sözlükde berilýär.

  2. Rus diliniň üsti bilen türkmen diline geçen sözlerde duş gelýän türkmen dilndäki j bilen ýazylýar.

  3. Iki sany meňzeş çekimsiz ses bilen gutarýan sözleriň soňundaky çekimsizleriň biri düşürilip ýazylýar.

    Meselem:
    ÝalňyşDogry
    metallmetal
    kilogrammkilogram
    progressproges

    Adam atlary bu kadadan çykarylýar.

  4. Rus dilindäki sypatlar türkmen diline geçirilende, olardaky -nyý, -naýa, -noýe goşulmasy öz öňündäki ýumşaklyk belgisi bilen bile taşlanýar.

    Meselem:
    оригинальная работаoriginal iş
    актуальный вопросaktual sorag
  5. Rus dilindäki otnositel sypat ýasaýjy -çeskiý, -çnyý ýaly goşulmalar taşlanyp, türkmen dilinde k getirilmek bilen otnositel sypat ýasalýar.

    Meselem:
    академическийakademik
    педагогическийpedagogik
    антическийantik

    Eger şeýle sözler professiýa bilen baglanyşykly at bolup gelseler, onda sypat ýasamak üçin k harpynda soň i getirilýär.

    Meselem:
    AtSypat
    математическийmatematikmatematiki
    химическийhimikhimiki

    -skiý goşulmasy çekimsiz ses bilen gutaran sözlere goşulan ýagdaýynda onuň deregine -ik getirmek bilen otnositel sypat ýasalýar.

    Meselem:
    философическийfilosofik
  6. Baku, Tartu ýaly sözlere goşulma goşulanda, düýp söz bilen goşulmanyň arasynda w getirilýär.

    Baku, Bakuwyň, Bakuwa, Bakuwda, Bakuwdan.

  7. Soňy -sk bilen gutarýan sözeleriň yzyna inçe çekimlili goşulma goşulýar we sazlaşyk üçin düýp söz bilen goşulmanyň arasynda i sesi getirilýär.

    Krasnowodsk, Krasnawodskiniň, Krasnowodskä, Krasnawodskini, Krasnawodskide, Krasnawodskiden.

  8. Gysgaldylan sözler (sözleriň ilki seslerinden düzülenleri) aralaryna nokat goýulman, baş harplar bilen ýazylýar. Şol sözlere goşulma goşulanda, gysgaldylan sözüň düzüminde çekimli ses bolsa, çekimlä, eger çekimli ses bolmasa, soňky çekimsiziň adynyň aýdylşyna eýerilýär.

    SSSR, SSSR-iň.