El bilen ýapyşylmak, el bilen saklanmak, ellenmek.
El bilen tutulanda-da hiç zat bolmaz!
Ele düşürilmek, ele salynmak, aw ýa-da olja hökmünde alynmak.
Gurşalyp alynmak, hakyna, kireýine işledilmek.
Toýda bäş sany taksi tutuldy.
Tussag edilmek, azatlykdan mahrum edilmek, basylmak.
Firidunyň tutulmagy olar üçin uly zarbady. (M. Ibrahimow, Ol gün geler)
Bular meniň tutulan gijäm-menden birinji sorag edilen gije bolupdy. (Ý. Fuçik, Ölümiň öň ýanynda aýdylan sözler)
Bina edilmek, gurulmak, salynmak.
Täze oba tutuljak ýurtda gurluşyk işleri ir-ýaz aýlarynda başlandy. (A. Gowşudow, Köpetdagyň eteginde)
Hol ýerde haýsydyr bir jaý daşdan tutulýar. (A. Gowşudow, Köpetdagyň eteginde)
Geýimiň ýa-da başga zatlaryň üstüne, gyrasyna parawuz, jähek we ş. m. tikilmek.
Eňine we ýakasyna özüne meňzeş matadan jähek tutulýar. («Sowet Türkmenstanyň aýallary» žurnaly)
Ol adamyň başynda depesine gyzyl begres tutulan ak telpegi, egninde-de gara kostýumy bardy. (A. Gowşudow, Köpetdagyň eteginde)
Bir zadyň üstünde ele salynmak, üsti açylmak, syry bilinmek.
Wüşi kel Hoşgeldini aklajak bolup edýän gürrüňinde özi tutuldy. (A. Gowşudow, Köpetdagyň eteginde)
Suwarylmak, suw berilmek.
Ekinlere suw tutuldy.
Gezelmek, çenelmek, gönülenmek.
Onuň kükregine ýarag tutulanda-da dilini ýormady.
seret aý 1
Aýyň bu gezekki tutulmagy TSSR-de gije 2 sagat 54 minutda başlanyp, 6 sagat 40 minutda gutardy. («Sowet Türkmenistanynyň Aýallary» žurnaly)
seret dil
Artygyň bir hili dili tutuldy. (B. Kerbabaýew, Aýgytly ädim)
Howsala düşmek.
Nabat, dili tutulan ýaly, geplemäge wagt tapmady. (A. Gowşudow, Powestler we hekaýalar)
seret ýeňse