turmak işlik

  1. Ýeriňden galmak, ör boýuňa durmak, aýak üstüne galmak.

    • Keselliler düşeklerinden turmasyz edilipdir. («Sowet Türkmenistanynyň Aýallary» žurnaly)

  2. Ukadan oýanmak.

    • Ogly, gyzy heniz hem turmandyrlar. (N. Saryhanow, Saýlanan eserler)

    • Giç ýat-da, ir tur, alty pişegi artyk ur. (nakyl)

  3. Başlamak, göterilmek.

    • Deňizde gaý turdy. («Mydam Taýýar» gazeti)

    • Birden howa bulaşyp, güýçli ýel turdy. («Sowet Türkmenistanynyň Aýallary» žurnaly)

Ýazuw düzgüni

Ýöňkeme bilen üýtgände ikinji bogunda u eşidilen ýerinde ýazylýar.

Meselem turmak - turdum, turduň, turupdyr.

tur-otur, kersen getir etmek

seret kersen

  • Men onuň tur-otur, kersen getiri boldum. (N. Pomma, Taýlak hyzzyn)

ýürekden turmak

seret ýürek1

  • Her bir milletiň halk sungaty adamlaryň ýüreginden turmak üçin hemişe ýel tapýar. («Sowet Türkmenistany» gazeti)