soýmak işlik

  1. Daşynyň gabygyny aýyrmak, arassalamak.

    • Maňa gabyk soýmaga kömekleş! («Mydam Taýýar» gazeti)

  2. Sypjyrmak, ýaralamak.

  3. Mal öldürmek.

    • Durdy çopan sürä baryp, ozaldan et üçin niýetläp ýörlen goýunlardan birini tutup soýupdyr. (A. Gowşudow, Köpetdagyň eteginde)

    • Il oňlasa, atyňy soý. (nakyl)

  4. Göçme manyda Talap horlamak, talamak.

    • Ençeme illeri soýan, gelinleri ýarsyz goýan, ýürekleri oda çoýan, gitlere näletler bolsun. («Sowet edebiýaty» žurnaly)

Ýazuw düzgüni

Ýöňkeme bilen üýtgände ikinji bogunda u eşidilen ýerinde ýazylýar.

Meselem soýmak - soýdum, soýduň, soýupdyr.