saklamak sak‧la‧mak işlik

Tutup durmak, eliňde tutmak.

• Sülçi öz elinde suwly stakany nähak saklaýandygyna düşündi. («Sowet Türkmenistany» gazeti)

• Ol kitaby elinde saklap durdy.

Duruzmak, togtatmak.

• Sergeý Stepanowiç maşyny saklady. (B. Pürliýew, Ilkinji gün)

Öz eklenjiňde garamagyňda ýaşatmak; idetmek, eklemek.

• Semiz saklap, baş sanyny köpeldip bilseň saňa bagt getirer. («Tokmak» žurnaly)

• Mallary ölüm-ýitimsiz we semiz saklamak köp derejede çopana baglydyr. («Sowet Türkmenistany» gazeti)

• Uly maşgala saklamak.

Eýelik etmek, gözegçilik, etmek, göz-gulak bolmak, goramak.

• Bir seniň garry eneň öz öýüňi saklap otyr. (A. Gowşudow, Mähri-Wepa)

Bir zada daýanç bolup hyzmat etmek, götermek.

• Tamyň pürslerin diwar saklaýar.

Ýanyňdan goýbermän duruzmak, eglemek.

• Men ony öýümizde iki sagat sakladym.

Sakçylyk etmek, gorag etmek, goramak.

• Ene böwet saklamaga şeýle sak bolsa-da onuň sakçylygy bu gezek şowuna düşmedi. («Zähmet gahrymanlary»)

Aýap tutmak, aýamak, goramak.

• Men olary gözümiň göreji ýaly saklaryn. (N. Pomma, Taýlak hyzzyn)

• Sakla samany, geler zamany. (nakyl)

Göçme manyda Gizlemek, ýaşyrmak.

• Kem-käs ýalbaraýyn-da etjek işimi öz ýanymda saklaýyn. (B. Kerbabaýew, Aýgytly ädim)

Belli bir maksat üçin tutmak, edinmek, eklemek we ş. m.

• Gyzylhan dumly-duşda dozor saklaýardy. (B. Kerbabaýew, Aýgytly ädim)

• Baggoýun saklamak.