sakgal at

Çekgä, duluga we eňege bitýän gyllar, tüý örtügi.

  • Ol orta boýly, gyrçuw sakgal bir adamdy. (A. Durdyýew, Saýlanan eserler)

  • Soňky tüýkülik sakgal ezmez. (nakyl)

geçi sakgal

Selçeň sakgal, köseleç.

gürzelek sakgal

Ösgün we irimçik gaba sakgal.

  • Ähem! -- diýdi-de, timar berlen gürzelek sakgalyny sypady. («Kolhoz Günleri»)

sakgaldan aýryp murta goýmak

Üýtgedeniň bilen biri-birinden onçakly tapawudy bolmazlyk.

sakgalynda hiňňildik uçmak

Erkek kişini äsgermän, sylaman, diýeniňi etdirmek, onuň erk-ygtyýaryňy öz eliňe almak (aýal maşgala barada).

ýüň sakgal etmek

Birini ýüzügara etmek, ýalançy etmek.