Pitiklemek üçin başam barmak bilen orta ýa-da süýem barmagyň ujunyň biri-birine direlip gysylan ýa-da gysylyp açylan ýagdaýda urulýan zarba.
Meniň ýönekeýje bir pitigim hem ony dünýäniň üstünden bagy üzülip gaçan gallaly ganar ýaly gürpüldeder. (B. Kerbabaýew, Aýgytly ädim)
Soňuna çekimli ses bilen başlanýan goşulmalar ýa-da -räk goşulmasy goşulanda, sözüň soňundaky dymyk çekimsiz degişli açyk çekimsizine öwrülýär.
Meselem pitik - pitigi.
Oýnatgy hasaplamak, ýaňsylamak, howp astynda goýmak.
Özüniň pitige mündürileninden, meýlis märekesinde masgarabaz hökmünde oýnalýanyndan habary ýokdy. (A. Gowşudow, Köpetdagyň eteginde)