nokat

  1. Tegelejik tegmilt.

    • Orazgülüň käbir ýeri gastyn atan bugdaýreňk ýüzüniň sag tarapynda garaja nokat ýaly meňi bardy. (A. Gowşudow, Mähri-Wepa)

  2. Grammatik termin Gutaran pikiri tapawutlandyrmak üçin we käbir gysgaldylan sözler ýazylanda ulanylýan dyngy belgi.

    • Habar sözleminiň ilki sözüniň soňunda hemişe nokat goýlup, ondan soň başlanan sözlemiň ilki sözüniň birinji harpy baş harp bilen ýazylar.

  3. Fizika Suwuklygyň bir haldan başga bir hala geçiş derejesi.

    • Gaýnama nokady.

    • Ereme nokady.

    • Doňma nokady.

  4. Ýer, punkt.

    • Söwda nokady.

    • Ok atylýan nokat.

  5. Daşdan çala görünýän zat, gara.

    • Alysdan göründi bir gara nokat. Bilmedim men onda niçik hereket. (A. Kekilow, Saýlanan eserler)

  6. Bir zadyň gutaran ýeri, ýokary derejesi.

    • Onuň gürrüňi ahyry nokadyna ýetdi.

Ýazuw düzgüni

Soňuna çekimli ses bilen başlanýan goşulmalar ýa-da -rak goşulmasy goşulanda, sözüň soňundaky dymyk çekimsiz degişli açyk çekimsizine öwrülýär.

Meselem nokat - nokady.

iki nokat

Aşakly-ýokarly goýlup ulanylýan goşa nokat, dyngy belgisi (:).