häzir hal

  1. Şu wagt, şu wagtyň özünde.

    • Men häzir ýeke-de bolsam, mende millionyň ynanjy bardyr. (B. Kerbabaýew, Aýgytly ädim)

    • Oglanlar, biz häzir hiç zat edip bilmeris! (B. Gurbanow, Çarwa Mergeniň gürrüňi)

    • Häzir mekdebiň okuw-tejribe uçastogy ekin ekilmegine doly taýýarlandy. («Mydam taýýar» gazeti)

  2. Şundan biraz öň, ýaňy.

    • Häzir ýygnakda hemmesini aýtmadylarmy näme?! (B. Gurbanow, Duşuşyk)

  3. Taýýarlanyp goýlan, taýyn, taýýar.

    • Onuň bir daban ýeri üçin men janymy bermäge häzir. (B. Kerbabaýew, Aýgytly ädim)

häzir bolmak

  1. Ätiýaçly bolmak, seresap bolmak, hüşgär bolmak.

    • Ahaw, häzir boluň, adammyka beri?! (B. Kerbabaýew, Aýgytly ädim)

  2. Bişmek, ýetişmek.

    • Nahar häzir boldy, orta bir çanak palaw geldi. (A. Gowşudow, Köpetdagyň eteginde)

  3. Peýda bolmak, ýüze çykmak, gelmek.

    • Birden gökden düşen ýaly bolup, bularyň goşunda üç atly bir pyýada-dört sany ýaragly adam häzir boldy. (A. Gowşudow, Mähri-Wepa)


Duş gelýän formalary
  • häzirden
  • häzirdi
  • häzirdigini
  • häzirdiler
  • häzire
  • häzirem
  • häziri
  • häziridi
  • häziriň
  • häzirler
  • häzirlerem
  • häzirli
  • häzirligi
  • häzirlik
  • häzirlikde
  • häzirmi
  • häzirräk
  • häzirsizlik