gyzyl 1 sypat

Gan reňkindäki reňk.

  • Neşder urup, gyzyl ganyň dökse-de, Çydadyk biz, çüňki zar eden kanun. (N. Pomma, Saýlanan eserler)

  • Ak üzüm gyzyl üzüm bilen bile bişipdir. (R. Seýidow, Bagtlylar)

gyzyl ýumruga girmek

Ýumruk salşyp uruşmak, ýumruklaşmak.

  • Biz iki tarap bolup gyzyl ýumruga girdik. (B. Kerbabaýew, Japbaklar)

gyzyl 2 sypat

  1. Himiki element, lowurdap duran sary reňkli gymmat baha metal, altyn, tylla.

    • Köşgüň gyzyl çaýylan gapysy örän uly. («Mydam taýýar» gazeti)

    • Gyzyl görse, Hydyr azar. (nakyl)

  2. Göçme manyda Örän gowy, gymmatly.

    • Bu hasyl duran bir gyzyldyr.

  3. Atylyp alnan bugdaý harmany.

    • Ýakynda atyp taýýarlan gyzylyňyz bar bolsa, bar, atlara iýmlik getir! -- diýdi. (A. Gowşudow, Mähri-Wepa)

gyzyl tapan ýaly bolmak

Keýpiň kök bolmak, şatlanmak, begenmek.

  • Hojaýyn, kaşgar çaýyny bermeseň boljak däl, biz-e gaty ýadadyk! -- diýip, gyzyl tapan ýaly ýyljyraklap, tirsegine gyşardy. (N. Pomma, Taýlak hyzzyn)

gyzylyň gyryndysy ýaly

Örän owadan, görmegeý, gymmat.

  • Ol gyzyň özi iş geýiminde bolsa-da, iş geýiminiň içinde gyzylyň gyryndysy ýaly bolup görünýärdi. (A. Durdyýew, Saýlanan eserler)


Duş gelýän formalary
  • gyzyla
  • gyzylda
  • gyzyldan
  • gyzyldandy
  • gyzyldy
  • gyzyldygy
  • gyzyldygyny
  • gyzyldyr
  • gyzylja
  • gyzyljany
  • gyzyllar
  • gyzyllara
  • gyzyllardan
  • gyzyllary
  • gyzyllaryma
  • gyzyllaryň
  • gyzyllaryňy
  • gyzylly
  • gyzyllylygy
  • gyzylmy
  • gyzylmyş
  • gyzylrak
  • gyzyly
  • gyzylym
  • gyzylyndan
  • gyzylyny
  • gyzylyň
  • gyzylyňdan
  • gyzylyňy
  • gyzylyňyz