gyzykmak işlik

  1. Höwes bilen, yhlas bilen ýapyşmak, üns bermek, höweslenmek, gyzyklanmak.

    • Iki atyň haýsynyň ökde çykjagyna hemmeler gyzygýardylar. (B. Kerbabaýew, Aýgytly ädim)

    • Süri boljak diýeniňiz dogry welin, sakçy goýup arkaýyň bolsaňyz, goýan sakçyňyz uklar ýa-da ota gyzygar. («Türkmen halk ertekiler ýygyndysy»)

    • Azajyk dymandan soň, ol hem podpolkownigiň gyzygan sowallaryny berip başlady. (A. Gowşudow, Mähri-Wepa)

    • Ol oglan gyzygyp oýnaýardy. («Mydam taýýar» gazeti)

  2. Möwç almak, gyzmak.

    • Olaryň arasynda gürrüň gyzykdy. (B. Kerbabaýew, Aýgytly ädim)

Ýazuw düzgüni

Soňuna çekimli ses bilen başlanýan goşulmalar ýa-da -ýar goşulmasy goşulanda, sözüň soňundaky dymyk çekimsiz degişli açyk çekimsizine öwrülýär.

Meselem gyzykmak - gyzygýar, gyzygar, gyzygypdyr.


Duş gelýän formalary
  • gyzygam
  • gyzygan
  • gyzyganlary
  • gyzygar
  • gyzygarlar
  • gyzygyp
  • gyzygypdylar
  • gyzygypdyr
  • gyzygyň
  • gyzygýan
  • gyzygýanyndandyr
  • gyzygýar
  • gyzygýardy
  • gyzygýardylar
  • gyzykdy
  • gyzykdylar
  • gyzykdym
  • gyzykdymy
  • gyzykmadyk
  • gyzykmagyn
  • gyzykmak
  • gyzykmaklyk
  • gyzykmaly
  • gyzykmasy
  • gyzykmaýanyny
  • gyzyksaň
  • gyzyksyn