gulp1 at

Bir zadyň agzyny gulplamak üçin açar bilen baglanylýan we açylýan demir gural.

  • Bu açarlaryň hiçbiri-de bu gulpa laýyk gelmedi. (A. Gowşudow, Mähri-Wepa)

Ýazuw düzgüni

Menlik ýöňkemaniň -um, -umyz, senlik ýöňkemäniň -uň, -uňyz goşulmalary goşulýar.

Meselem gulp - gulpum, gulpuň.

gulp urmak

Gulp bilen berkitmek, gulplamak.

  • Gapa gulp urmak.

  • Dükanyň agzyna gulp urmak.

gulp2 at

  1. Käbir gaplaryň gapdalyndaky el tutary.

    • Ojagyna ders döküp otlary we ojagyň üstünde gulpy döwük gara kitiri goýdy. (A. Gowşudow, Köpetdagyň eteginde)

    • Wüşi kel sytoluň üstünde duran ullakan kitiriň gulpuna ýapyşdy. (A. Gowşudow, Köpetdagyň eteginde)

  2. Apbasy ýaly käbir Türkmen şaýlarynyň gapdalyna berkidilýän halka.

    • Apbasymyň gulpy döwlüpdir.

Ýazuw düzgüni

Menlik ýöňkemaniň -um, -umyz, senlik ýöňkemäniň -uň, -uňyz goşulmalary goşulýar.

Meselem gulp - gulpum, gulpuň.