[ga:z]
Suwda ýüzüji, ýabany ýa-da eldeki, uzun boýunly guş.
Gury agaçlar oýunçalap, güller açýan ýaz berdi, Baglarymyza-bilbil, göllerimize gaz berdi. (Nury Annagylyç, Saýlanan eserler)
Gaz ýörişli salnyp barýan Aýsoltan ol aýdymy duýmaýardy. (B. Kerbabaýew, Aýsoltan)
Dünýäni sil alsa, guba gazyň döşünden. (nakyl)
Garganyň gaz balasy, her kişiň öz balasy. (nakyl)
seret boýun
Giňişlige endigan ýaýramaga ukyby bolan fiziki jisim.
Bu jaý awuly gazlaryň synag edilýän jaýymy, näme-de bolsa, bir erbet ysy bardy. (A. Gowşudow, Mähri-Wepa)