gaýra

  1. Demirgazyk-gündogar tarap ileriň garşysyndaky tarap.

    • Tamyň gündogar ileri çüňkünde we günbatar gaýra çüňkünde el pulemýotyny gurdular. (A. Gowşudow, Eserler)

  2. Yz, arka tarap, ýeňse.

  3. Gezek, sapar, ýola, mertebe.

    • Içine-de çöwüp bäş-alty gaýra depdi. («Görogly» eposy)

  4. Kömekçi söz rolunda:

    • Olar dagyň gaýrasynda ýerleşdiler.

gaýra basmak

seret basmak

  • Mürzeweniň aty «ýeser», gamçylasaň, gaýra basar. (nakyl)

gaýra çekilmek

Yza süýşmek, yza çekilmek.

  • Jemagat gaýra çekildi. (M. Ibrahimow, Ol gün geler)

  • Aýsoltan öz hereketini duýman, bir ädim gaýra çekildi. (B. Kerbabaýew, Aýsoltan)

gaýra üzülmek

Keselliniň keseli ýagşylanan ýaly bolup, gaýtadan beterlemek nähoşlamak, gaýralamak.

  • Ýöne men syrkaw adam gaýra üzülmesin -- diýip gaýgyrdym. (A. Gowşudow, Eserler)

  • Ýer çeken, ýuwaş, ýuwaş, kakaň eşiderem, onsoň ýene gaýra üzülip öňküdenem beter bolar. (A. Gowşudow, Köpetdagyň eteginde)