erk at

Bir işi etmäge bolan hukuk, ygtyýar, gaýrat, ukyp.

  • Ýöne başga bir zat meni erkime goýmaýar. (B. Pürliýew, Ilkinji gün)

  • Döwür biziň garramagymyza erk berenok. («Sowet edebiýaty» žurnaly)

  • Diňe häzirki ýaly erkimizi goramak bilen hem kanagatlanmarys. (B. Soltannyýazow, Kümüş)

  • Tejen derýasynyň erki elinden alyndy. (B. Gurbanow, Duşuşyk)

erk etmek

  1. Ygtyýar etmek, buýrup bilmek, diýeniňi etdirmek.

    • Köp zatlara erk edip bilýärin. (B. Seýtäkow, Gyz salgydy)

    • Indi özüňden önen çagaňa-da erk edip bolmasa?! -- diýip, ol içinden gepledi. (N. Saryhanow, Saýlanan eserler)

  2. Özüňi gaharlanmakdan, tolgunmakdan saklamak, saklanyp bilmek.

    • Ol özüne erk edip, zordan saklandy. (A. Gowşudow, Köpetdagyň eteginde)