ejizlemek işlik

[eji:zlemek]

  1. Güýçden-gurpdan düşmek, güýç-kuwwaty az bolmak, güýçsiz bolmak, ysgynsyz bolmak.

    • Kempiriň şeýle ejizläp ýatmagyna dözmän, ony öz jaýyna alyp barýar. («Görogly» eposy)

    • Ylaýta-da Kerimiň eline düşen ejizläpdir. (B. Soltannyýazow, Kümüş)

    • Üzülen, ejizlän ýerlerini ýaňadandan sepledi. (B. Kerbabaýew, Aýgytly ädim)

  2. Göçme manyda Pese düşmek, asgynlamak, gowşamak.

    • Hiç wagt şeýle ýagdaýa düşmändi, hiç wagt şeýle ejizlemändi. («Sowet edebiýaty» žurnaly)

    • Sen beýle ejizleme! (N. Pomma, Egri Eýikmez)

    • Çaknyşyk netijesinde Reýhan ejizleýär. («Görogly» eposy)

    • Uludan demini aldy-da, boýnuny burup, ejizlän ýaly boldy. (A. Durdyýew, Saýlanan eserler)

  3. Göçme manyda Hor ýagdaýda bolmak, biçäre halda bolmak.

    • Ol soňky wagtlarda has ejizledi.