ejiz sypat

[eji:z]

  1. Güýji bolmadyk, güýç-kuwwaty az bolan, güýçden düşen, güýçsüz, ysgynsyz.

  2. Pes, asgyn, gowşak.

    • Meniň gylyjym ejiz adamlara garşy uzamaz. («Görogly» eposy)

    • Emma beýle çolaşyk meseleleri çözmekden meniň başym ejiz. (B. Kerbabaýew, Yhlasa-Myrat)

  3. Göçme manyda Hor, biçäre, nalaç.

    • Emma onuň hiçbir zada güýji ýetmän, ejiz galanyny-da hak-hukuksyz aýal bolup doganyndan hasaplaýardy. (B. Kerbabaýew, Aýgytly ädim)

ejize ganym

Özünden asgyny horlaýan, zulum edýän.

  • Men dogan okaşan adamyma, ýeňlenini boýun alýan adama ýamanlyk etmegi, ejize ganym bolmagy gowy görmeýän. («Görogly» eposy)