[eýwa:n]
Jaýyň öň tarapyndan oňa degrilip edilen üsti ýapyk açyk jaý; jaýlaryň ýokarky gatlarynda öňe çykyp duran ýer.
Bu wagt Ogulgerek eýwana çykylýan ýerde garrylaryň edýän gürrüňlerine hem goşulman, bir özi, nämedir, pikir edip otyrdy. (N. Saryhanow, Saýlanan eserler)
Ana, açyk bir eýwanda körük wassyklap, kömürden al-ýaşyl ýalyn bulaýlanýardy. (B. Kerbabaýew, Aýsoltan)
Eýwanyň ýüzünde şygyr ýazylypdyr. (B. Gurbanow, Duşuşyk)
Özümiz çagyrýançak bar, daşarda, eýwanyň bir çetinde dur! (A. Gowşudow, Powestler we hekaýalar)
Gajar aga alňasaman-äwmän, eýwandakylary gözden geçirdi. (A. Gowşudow, Powestler we hekaýalar)
Kagyzlaryň käbirini el galgydany üçin, Myrat ýerinden turup, eýwan taýdaky gapyny ýapdy. (B. Kerbabaýew, Yhlasa-Myrat)