[da:lamak]
Basyp-basmarlap, agyz urup çeýnemek, ýarmak, ýaryp horlamak, ýaralamak.
Biz it hem bolsak goýun itidiris: öz sürimizi dalamaga dişimiz ötmez. (B. Kerbabaýew, Aýgytly ädim)
Töweregime üýşen aç itler meni daladylar. (Myraly)
Göçme manyda Ýüzüni almak, ýüzüne jabjynmak, azgyrylmak.
Halnazar hem Saryny zarply, ajy sözler bilen dalamak isledi. (B. Kerbabaýew, Aýgytly ädim)