dürtmek işlik

  1. Bir zadyň ýiti ujuny bir ýere sançmak, sokmak.

    • Onuň tenine naýza dürtüp soranlarynda-da, «bilemokdan» başga jogap bermedi. (B. Kerbabaýew, Aýgytly ädim)

  2. Bir zadyň ýüzüni deşik-deşik, dürtük-dürtük edip çykmak.

    • Çöregiň ýüzüni dürtmek.

  3. Ýere sanjyp ekmek, oturtmak.

  4. Biriniň böwrüne kakmak, duýdurmak.

  5. Göçme manyda Bir işi etmeklige ündemek, bir işi etmekligini duýdurtmak, ýatladyp durmak.

    • Şondan soň Öwez gapdalyndaky oturanyň böwrüne barmak bilen dürtüp, ikisi tirkeşip daş çykdy. (A. Gowşudow, Köpetdagyň eteginde)

    • Heniz hem onuň ýoldaşlary eýlesinden-beýlesinden, dürtüp: -- Annaguly, aýagyňy düz, aňkarma! -- diýip goldap barýarlar. (A. Durdyýew, Saýlanan eserler)

Ýazuw düzgüni

Ýöňkeme bilen üýtgände ikinji bogunda ü eşidilen ýerinde ýazylýar.

Meselem dürtmek - dürtdüm, dürtdüň, dürtüpdir.

dürtmeseň duýmaz

Özünden bilmez, aýtmasaň ýadyna düşmez.