döwük

  1. Döwlüp sandan çykan, döwlen, synyk.

    • Garly hem döwük äýnegini dakynyp, işe başlady. (A. Gowşudow, Powestler we hekaýalar)

    • Bu çäýnegiň gulpy döwük.

  2. Döwlüp seplenen.

    • Ahmal bolmaň, onuň eliniň döwügi bardyr.

  3. Döwlen zadyň bölegi.

    • Howluda çüýşe döwükleri görünýärdi.

  4. Gabykdan arassalanan (döwek, miwe hakda).

  5. Bozulan, işlemeýän.

Ýazuw düzgüni

Soňuna çekimli ses bilen başlanýan goşulmalar ýa-da -räk goşulmasy goşulanda, sözüň soňundaky dymyk çekimsiz degişli açyk çekimsizine öwrülýär.

Meselem döwük - döwügi.